KVL Lied

PAK DICH ZES-EN-TWINTIG LETTERS 

(Tekst: Arnold Wassen; Muziek: Theo Peeters)

Refrein:
Pak dich zes-en-twintig letters,
eine hampel neut.....
en zet det op ein rie.....
Jao, die letters waere wäördjes,
en die hampel neut.....
det waert ein melodie.....
‘t Begint natuurlik met ein sjoean ideetje.....
veur ein liedje, ein leidje of ein leedje.....
want de Kinjervastelaovend is in tel,
dus maak ein leedje veur ‘t K(a).V(ee).(e)L.....!!!
Jao, de Kinjervastelaovend is in tel,
maak ein leedje veur ‘t K(a).V(ee).(e)L.....!!!

Coeplet 1:
Kom, pak dich ens de pen of gank ens klikke met de moes.....
en zek: "t Ieërste oear bön ich veur nieks en nemes thoes;
vandaag maak ich ein leedje: eine wals of eine sjtep.....
of.....as ‘t mich moog lökke: eine rock of eine rep!?....
Zo'n leedje make is neet gek.....
dus doot gewuuën, wat ich noe zegk:
Refrein: Pak dich...

Coeplet 2:
En höbs se sjtrakkes meute met de factor Letter "X".....
en is de "Q" de raeje, des se oere wakker liks?...
Den zing gewuuën: "De "X" zit in de taXi, (achter-in).....
De "Q" die loupe in de wei, en höbbe gooje zin!....
Doe zuus: Ein leedje is gauw klaor.....
Missjien zaes doe noe eder jaor:
Refrein: Pak dich...