Teksten Finale Liedjes 2011

Mit de Keboem mej

door Jur Versleijen oet Broekhuizen

Vers 1:
Zidde dao die Kloons mit al die jasse?
Huppele op de vastelaoves passe...
Zidde dae keboem d'n hook um dreije?
Mooderke nou laot meej wiejerwei...hei..je!

Refrein:
Mit de keboem mej dur de straote,
dat heb ik altied wille doon.
Dan spring, ik mej in alle maote,
en dans de gaater in mien schoon.
Ik wil wie enne kloon.. dae straolt,
mit de keboem die dieke trom
mit de keboem mej dur de straot!
Ik wil wie enne kloon dae straolt,
mit de keboem mej dur de straot.

Vers 2.
Huurde dat Kebuumke in d'n optoch?
Is dat ozze Pap verhip daat klopt toch.
Huurde dat die trömmelkes haos heej zien?
Mooderke nou laot meej toch us vreej..hee..zien!

Refrein: 2x

Gepimpt!

door Veerle, Maud, Evi, Inge en Imke oet Melderslo

Couplet 1 !
Ut is allemoal begos mit ozzen omafiets
Weej vonge um waat saai, en bedochte doarum iets
Weej ginge um maa pimpe mit waat kleur durop
En mo¸ie blitse bel en bloome slingers, ut waas top!
Ut werd en groët succes,
en al snel volgde de rès.

Refrein !
Weej goan de wèreld mo¸ier make
weej pimpe aales um os hin
Mit vastenoavund goan weej os vermake
daan springt hiel Limburg mej dur in
Mit slingers en confetti en waat schmink op de snoet
zuut de wèreld heej in Limburg dur daan prachtig oet
Weej goan de wèreld mo¸ier make
weej pimpe aales um os hin

Couplet 2 !
Os fietse ware mo¸i, ut zaog geweldig oet
Beej de meense die os zaoge, kwaam en lach op de snoet
Nou loëpe weej vort rond mit de bloomen in de tes
En aales waat we taege koome pimpe weej daan ves
En vingde geej ok neet?
Zoé is aales pas compleet!

Refrein !

Couplet 3 !
De meister kreeg vaan os en moëie bloom in de hoar
Ut bord daat werd versierd ma weej ware nag ni kloar
De juffe moste ok nog wère opgefleurd
Zeej stoan nou ok te stroale en zien good gehumeurd
waat niemand, gedocht haaj
De schoël is nimmer saai!

Refrein !

Kriebels

door Lieke, Simone en Michelle oet Belfeld

Koeplet:

‘t is idder jaor ut zelfde
Op de 11e van de 11e
Den kriëg ich kloksjlaag ellef euver elf
Ein hiel apart geveul det geit vanzelf
't is idder jaor ut zelfde
Op de 11e van de 11e
Den is ut zônger det ich euverdriëf
Eine echte polonaise in mien liëf

Refrein:
Den kriebelt mich de boëk
En jeuke mich de bein
Den zit ich vol met laeve
Wiej ein lemke in de wei
Den kriebelt mich de boëk
En jeuke mich de bein
Den môt ich ut belaeve
Dus den sjpring ich lekker meij

Koeplet:
‘t is idder jaor ut zelfde
Op de 11e van de 11e
Kleurt alles wat ich zeen roëd, greun en gael
Kump der allein maar kwats oët miene kael
't is idder jaor ut zelfde
Op de 11e van de 11e
Ich weit neet wat ut is maar ut veult good
Miene dokter zaet ut zit mich in ut blood

Refrein 2x:
Den kriebelt mich de boëk
En jeuke mich de bein
Den zit ich vol met laeve
Wiej ein lemke in de wei
Den kriebelt mich de boëk
En jeuke mich de bein
Den môt ich ut belaeve
Dus den sjpring ich lekker meij

De Vastelaoves-Kinger-Joekskepel

door Mandie en Frauke oet Baarlo

Coupl. Weej zote lets op sjoel, en weit geej wat de juf toen zeij.
Kom make weej ein joekskepel, der is heej zat gereij.
Weej lepe nao ut knutselhók, En og wat zoog ig daor.
Dao loog van allerlei gerei, dao zien weej zoe meij klaor.
Met eine glimlach oppe sjnoèt, blaoze weej now maar op die toèt.

Refr. Kom trom of toèt us lekker met os meij,
Of geit ut eg veur ug te hel.
Want trommele en toète doon weej gaer,
In os vastelaoves-kinger-joekskepel.
Kom trom of toèt us lekker met os meij,
En how den duchtig op det vel.
En trek op maondig met den optog meij,
In os vastelaoves-kinger-joekskepel.
En trek op maondig met den optog meij,
In os vastelaoves-kinger-joekskepel.

Coupl. Met pleksel en pepeer ware weej sjnel ein sjtuk op waeg.
En aug un waston van karton, dao wuurt sjtraks op gevaeg.
De kleijerjuffrouw waas os mam, dao ken ig van op aan.
En osse pap dae goje mins, dae maakte os ein vaan.
Met eine glimlach oppe sjnoèt, blaoze weej now maar op die toèt.

door b.s. Vilt oet Vilt

Couplet:

De juffrouw zach: geer mot uch get bedinke
want 't is zoa karneval
dus gaot noe mer 'n eurke dinke
euver sjpas en sjtomme kal
Veer dachte neet lang nao en ginge aan de sjlaag
Zoa krege veer al gauw de kriebels in de maag
En toen zach eine get fijns
en veer waore 't allemaol eins

Refrein:

Veer laote - laote nemes allein en blieve bie-ein en blieve bie-ein
de sjpeelplaats op - de sjtraot en 't plein
in polonaise achterein
Veer doon alles gaere same - van gruupke ein tot gruupke ach
en nemes hilt os noe miè taege - de ganse sjoal is eine lach
veer laote - laote nemes allein en blieve gaere bie-ein

Couplet:

Noe höbbe veer gelök 't is vastelaovend
en höbbe os eige hit
en v'r weite 't toch gans zeker
eederein deit mèt os mèt
allein is mer allein v'r laote nemes sjtaon
't ganse dörrep hie - zal same mèt os gaon
en de groep van zeve ach
haet zich same dit bedach

Refrein:

Veer laote - laote nemes ellein...enz.

Joonk gelieërd, is oud gedoon

door Manouk Pluis oet Bunde

Refrein:
Ich wil zinge, springe, gek doon
En ich wil gans oet de bol
Veul mich good mèt vastelaovend
Jao dit houw ich daag langk vol

Want es geer noe mit mich mit gaot
Laote veer ôs lekker goon
Geine minsj hilt ôs nog tege
Joonk geljerd, is oud gedoon

Couplet
Jao, ich waor nog pas gebore
en ich zaog 't al direk
Mit zwan pap en mam es auwers
Weur ich vastelaovesgek
In de weeg laog ich te sjpartele
op dae karnevalsmeziek
En toen wis ich 't al zeker
Vastelaovend is ech sjiek

Couplet
'T zit mich in de gene
En ich wil 't nwats mjè kwiet
Ich wil drie daag langk op stap goon
Daovan krieg ich geine sjpiet
Pap en mam môtte zich spooje
Want ich kom dan neet mjè stop
Kump dan eine polonaise
Loup ich altied hel veurop

Limburg get oet zien daak

door b.s. Gustav Hoefer oet Sittard

Koeplet ein

Pap zaag jong, kom doe ins mit
Doe gees vandaag get zien
Iedereen hie oet de straot sloot aan, leep met os mit
Opa, oma, jong en oud
Veer ginge hand in hand
Polonaise achterein, en pap dé ging veurop
Der nuuje prins woerd opgezoch
Toen ging der optoch loos

Refrein
Limburg geet noe ooet zien daak
Ut is weer karnaval
Den optocht trek doer ieder durp
Muziek en veul kabaal
Van jonk tot oud alles beweegt
Jao, iedereen deed mit
Ut zit oos allemaol in ut blood
Jao Limburg zit in os
Geen griep, geen kou, t'is karnaval
Alaaf ut geet os good

Koeplet twie
Veer maedjes dachte, veer goon mit
Dat geet neet zonger os
Veer heie pruuk en rukjes klaor
En heie veul plezeer
Danse, zinge, veul kabaal, veer kinne der wat van
De nuuj prinses sting oog al klaor
Ze ging bie oos verurop
Oos tansmarietje waor oog dao
Sprong sterre oet de loch

Refrein twie kier

Miene Prins

door "De vreigeldots" oet Haelen.

Refrein

Boemdidiboem boemdidiboem, zoeë sjleit mien hertje,
boemdidiboem boemdidiboem, väör miene Prins.
Boemdidiboem boemdidiboem, zooj hae mich kösse?
want det is get waat ich mich ut allerleefste wins,
want det is get waat ich mich ut allerleefste wins.

Koeplet

Wae zeen de Vreigeldots, en höbbe väöl plezeer.
wachte op dae Prins, eder jaor mer weer.
Is hae blondj of zjwart, en kintj hae mich bevalle?
Het is mich egaal, ich mót noe mèt hem kalle!

Refrein

Koeplet

De kop sjleit mich op hol, ich kan d'r neet van sjlaope,
want dae leuke Prins, dao blief ich toch op haope.
Waat mót ich noe aan, wie zal ich mich verkleije?
kiektj hae al nao mich, of mót ich op hem zjwejje.

Refrein

Koeplet

Hae löptj in polonais, ich haoj hem sjtevig vast,
aan het zaochte sjtóf, van ziene prinsejas.
Drejtj hae zich den óm, en lachtj hiel leef nao mi-ïch,
dink bie michzelf, wat haoj ich väöl van dich!

Refrein 2x

Paotgekke poete

door b.s. De Lemborgh oet Limbricht

Intro (a capella)
Gekke poete (klapklapklap)
Blieje sjnoete (klapklapklap)
Hei! Dit is sjoon (klapklapklap)
Kóm! Mit doon!

Refrein
Veer zeen die paotgekke poete
Veer brènge laeve in de boet
Veer zeen die paotgekke poete
Gesjmink, gemaskerd, gekke sjnoet
Veer zeen die paotgekke poete
Veer hange zelf de vlag waal oet
Veer gaeve gans 't laeve kleur, veer gaon d'r helemaol veur
Kiek mer nao oos blieje sjnoete
Veer gaeve gans 't laeve kleur, veer gaon d'r helemaol veur
Veer zeen die paotgekke poete
1.
Dao sjteit in de gezèt
Hie zeen sjteeds minder luuj
En wie dat wiejer geit
Is jederein benuujd
Mer hei! Noe lèt èns op
En kiek hie èns nao ós
De toekóms heurt de jeug
En veer zeen pas begoosj refrein

2.
Jao, oet ós midde kump
De jeugprins en de raod
Oos zitting sjpettert, jóng!
Op ós dao sjteit gein maot
Ideeje hövver zat
Ein tikske eigewies
Mer nao d'n optoch waal
Ummer d'n eesjte pries! refrein

3.
Maak uch óm carnaval
Dus mer neit al te drök
Veer hauwte uch waal jónk
Veer weite dat dat lök
Bie alle poete hie
Dao sjtruimp 't Limburgs blood
Dus vastelaovend zit
Veur jaore hie nog good!

refrein

Brögk:
En al is gek doon leuk en sjoon
Veer sjpeele geine valsje toon!

Refrein

Laot de confetti knalle

door b.s. St. Liduina oet Kelpen-Oler

Laot de konfettie knalle door de ganse sjoel
Met al die slingers en ballonnen, weurdj ut super koewl
Gaon alle meisters met de juffe same oet heur daak
Vastelaovend heet de sjoel vandaag gekraaktj

Gaon alle kinjer bove oppe taofels staon,
Der moog hiej neemes zonger sjminkgezich op hoes aan gaon,
In de gank weurdj eene polonais gemaaktj
Met Vastelaovendj is ut hiej Raak.

os juf is hiejl dek maelig,en muziek is biej heur Heilig
zuuj steit den auch de ganse daag te zinge veur de klas.

ze haodj auch van verkleije,duit auch pekskes met os neije
en huurtj ze dae muziek luptj ze in polonaise pas

Laot de konfettie knalle door de ganse sjoel
Met al die slingers en ballonnen, weurdj ut super koewl
Gaon alle meisters met de juffe same oet heur daak,
Vastelaovend heet de sjoel vandaag gekraaktj

Gaon alle kinjer bove oppe taofels staon,
Der moog hiej neemes zonger sjminkgezich op hoes aan gaon,
In de gank weurdj eene polonais gemaaktj
Met Vastelaovendj is ut hiej Raak.

de meister steit te dinke,wiej zal ich mich zelluf sjminke
gaon ich as een piraat, of weurdj ut toch weer eine kloon

hae steit nog get te kalle,geit ut kalle hum bevalle
en heeter ut den in, den zingtj der door de mikrefoon

Laot de konfettie knalle door de ganse sjoel
Met al die slingers en ballonnen, weurdj ut super koewl
Gaon alle meisters met de juffe same oet heur daak
Vastelaovend heet de sjoel vandaag gekraaktj

Gaon alle kinjer bove oppe taofels staon,
Der moog hiej neemes zonger sjminkgezich op hoes aan gaon,
In de gank weurdj eene polonais gemaaktj
Met Vastelaovendj is ut hiej Raak.

Laatste refrein 2x zingen.

Miene kop, dao môt wat op!

door Lisa, Roos en Levi oet Blerick

1.
Ik waas mien vastelaovesgrei ‘nt passe,
Mien mam had weer iets fijns veur mich gekoch,
Ze vroog aan mich: zeg vindse det neet klasse?
Ik zag jaowaal, maar toch ein hiel klein dingske nog:

Refr.:
Miene kop, dao môt wat op!
Zonder hudje kin ik neet,
Want dan bin ik neet compleet,
Miene kop, dao môt wat op!
Pas met ein hudje op de kop veul ik mich top,
Al is 't auk te klein of vuul te groët,
Zoelang 't maar ein hudje is want anders bin ik vuuls te bloët,
Miene kop, dao môt wat op!
Det det gaar nemus wet,
Det geit mich baove de pet.

2.
Wat op de kop, de's beej ôs thoës traditie,
Pap haet altiëd ein pet op ziene bluts,
Mien mam die haet zôn hudje van de pliessie
En dan mien zuske, det is zelf ein groëte muts.

3.
Ik vraog ‘t aan bekinde en aan vrinde,
Of ik ein joeksig hudje liëne kan
En kinne die dan gaar niks veur mich vinde,
Vraog ik veur dreej daag de toupet van ome Jan