KC Aelse
Refrein:
Van kleins aaf aan, gaon veer nao de vastelaovessjwal
Dao ljèrste ech vanal euver de carneval
Van leedjes tot verkleije, van sjminke, hosse, drèjje
‘T rwad, gael, greun is noe weer euveral
Couplet 1:
E’dre zaoterdig om neuge oer, dan zitte veer paraat,
Metein al in ’t nuuje jaor, nei geine is te laat.
Veer sjtarte mét ’t sjwalontbijt, get brwèdsjes, sjpek en ei,
Mét de mond nog vol zénge veer dan “van Eijsde tot de Mookerhei”.
De Prins en Vôrs die sjtaon dees daag bie ôs dan veur de klas,
en ljèrre ôs vanal euver ‘t fjès van lol en sjpas!
Refrein
Couplet 2:
In de pauze is d’r nônnevot mét blökskes kjès en woorsj,
en Youtube mét ‘t LVK, gèt ranja veur de doorsj.
Veer knutsele met kippegaas, gézétte en get liem,
De allergekste clowntjes, of ‘n masker…. Van eine knien.
De Polonais geit door de sjwal, van veur en achter oet,
Dan fluite, effe dreije en nog blaoze op ein toet!
Refrein
Bridge:
Veer kènjer zeen de toekomst, dus daorom kom nao dees sjwal,
Dan viert gans Limburg euver 11 jaor, nog zeker carneval!
Refrein
Slot:
En vènje pap en mam dit ech de grwatste sjtomme kal
Dan stuur veer die verplich, nao de vaste_AOVEND_sjwal!