Noor
Intro
Klaor vör vastelaovendj, stieët ze dao inne hook
De deksel begintj te trille, ze liektj waal ane kook
Ut hieël jaor bleef de klep tow, mer noow kin ut sloot d’r aaf
Mien verkleî-jkist knaltj weer ope, want ut es tiêd vör ALAAF
Refrein
Mien verkleî-jkist knaltj weer ope,
As ut vastelaovendj is
Ich moog 4 daag gaon shine,
Veul mich Vastelaoves-miss
Al die mutse, brille, pruuke,
Laojt mich hî-j mer ore zuuke
Waat un prachtbelaevenis,
As mien verkleî-jkist ope is 2x
Couplet 1
Alles waat d’r in dees kist zitj, es gekrege of gekochtj
Door ut zuuke gaon de kleijer as confetti door de locht
De kist zitj stampesvol, mer vör mich echt noeëts genog
Krieg ich veûr vastelaovundj, dao oet wat oetgezochtj
Couplet 2
Nao ore aanein passe, völtj alles op zien plek
Waat vingdje van dees combi, es dae neet echt te gek
Wat buttons oppe jas, mien medalies umme nek
Es dit gein schoeën gezicht, ich bin klaor vör vertrek
Brök
Alles es d’r oet, dit es waat ut is
Volle gaas veuroet en vae houwe op die kis
welke kist?….mien verkleî-jkist! (3x)
Refrein