Romee
Refrein:
Es iech prinses zouw zien, veur eine daag mesjien
Daan zouw iech alles doen wat eigelek neet maag
Mien eige snôpmesjien, in miene limosine
En daan mer danse, springe, feeste hiel d’n daag
Es iech prinses zouw zien, veur eine daag mesjien
Zouw iech mèt eed’re prins ’n denkse wèlle make
Dat zouw geweldig zien, jao ech fantastisch zien
Iech zouw ’t sjrieuwe, sjrieuwe, sjrieuwe vaan de dake!
Couplet:
Druime kin zoe sjoen zien, este neet wakker bis
Mer weurste opins wakker weit’ste tot ’t euver is
Mer lèts toen ging dee weijer gaar neet op
Toen woort deen druim toch werkelekheid en gaaroet geine flop
Brök:
Mèt mien prinsesse-kleid bin iech de sjoenste vaan ’t land
En aon dee vastelaovendstied höb iech mien hart verpand