De Rebelsje Poete (Jinte, Gus en Ruben)
Hiej sjtaon ich dan, hiej sjtoan ich dan, zwoa greuëtsj wie eine pauw.
Te prònke mit mien vaere in alle kleuren blauw.
Mien hertje tik in rood, gael, greun en is al gans van sjlaag.
’t Drèijt mich hiej, ’t dèijt mich dao, confetti in de maag.
Want wèt geer wie dat zit?
Refrein:
Ich höb ein vi-va-vi-va-vaerke los.
Dat veult zwoa lekker, gaon jederein op de wèkker.
Aaf en toe ein sjteekske los.
Ut maog nog gekker, en nog väöl dèkker.
Hiej sjtaon ich dan, hiej sjtaon ich dan, wie eine echte prins
Dao druim ich van, dao druim ich van, mesjien waer ich dat ins.
Ich veul mich greuëtsj wie eine pauw, ich bèn ein kèndj van hiej.
Want driej daag vastelaovend, dat maak mich toch zwoa bliej!
Want wèt geer wie dat zit?
Refrein
Es ich mit vastelaovend, mien pekske aan kèn doon,
Al waer ich prins of pauw, of eine gekke kloon,
Dan laup ich driej daag oet de pas, dat is mich gans egaal.
Want mit de vastelaovend vènk jed’rein dat normaal.
Ich weit noe wie ’t zit…
Refrein
Wat zouw ich gaer, wat zouw ich gaer, hoag op dae waage sjtaon.
Ich wènk dan greuëtsj nao jederein, dit mót blieve besjtaon.
Alaaf leef luuj, alaaf leef luuj, veer zeen os haup’lik gauw,
Veer blieve op os Limburg, zwoa greuëtsj wie eine pauw.
(brök)
Veer höbbe allemaol ein vaerke los.
Dat veult zwoa lekker, gaon jederein op de wèkker
Aaf en toe ein sjteekske los.
Ut maog nog gekker, en nog väöl dèkker.
Refrein
Sjlot:
Gekker en nog väöl dèkker.
Lekker, gekker, lekker, gekker…….
Lekker en nog väöl dèkker!