Vastelaoveswakkerwaermörge

De Raekelkes

Couplet 1

Eder mörge huèr iech weer
Sjeet ‘ns op, v’r moete gaon
Meh ‘t kömp d’r steeds op neer
Iech höb gein zin öm op te sjtoon
Dan sjtreep iech eine daag van miene kalender
En tèl iech wie väöl daag iech häöm nog mis
Dan kiek iech eder daag op de kalender
Tot ‘t eindelik weer vastelaovend ies

Refrein

Want op zonne vastelaoveswakkerweurmörge
Geit de wekker super lekker aaf
Op zonne vastelaoveswakkerweurmörge
Spring iech oet mien bed, want dit weurt gaaf
Dan poets iech zingend mien teng, wesj dansend mien heng
En miene lach geit d’r de ganse daag neet aaf
Op zonne vastelaoveswakkerweurmörge
Spring iech oet mien bed, want dit weurt gaaf

Couplet 2

Al weurt ‘t nog zoa laat
Miene wèkker dae sjteit aan
Want iech wil mörge weer op paad
Mit z’n alle flink d’r aan
Dan kiek iech de wiezers van de klok hie
Veuroet
nao eine nuuje sjieke daag
En geit de wèkker mörgevreug dan aaf hie
Dan houw iech ‘m geliek oet mit eine sjlaag

Bridge

En esjwoonsdig kiek iech miene wèkker aan
En zegk; iech houd weer efkes neet van diech
Meh kump ‘t fiès der fièste d’r weer aan
Dan ies ‘t weer de bèste vrund van miech